नमो भगवते श्रीमत्सुशीलानन्ददायिने ।
राघवानन्दशिष्याय यतीन्द्राय नमो नमः ॥१॥

नमो भगवते श्रीमत्सूनवे पुण्यसद्मनः ।
आचार्यसार्वभौमाय यतीन्द्राय नमो नमः ॥२॥

नमो भगवते श्रीमद्रामानन्दाय धीमते ।
आनन्दभाष्यकाराय यतीन्द्राय नमो नमः ॥३॥

नमो भगवते श्रीमद्वैष्णवधर्मरक्षिणे ।
विजेत्रेऽनन्तसिद्धानां यतीन्द्राय नमो नमः ॥४॥

नमो भगवते श्रीमद्रामभक्तिप्रचारिणे ।
सम्प्रदायाब्धिचन्द्राय यतीन्द्राय नमो नमः ॥५॥

नमो भगवते श्रीमद्विशिष्टाद्वैतवादिने ।
वादिवारणसिंहाय यतीन्द्राय नमो नमः ॥६॥

नमो भगवते श्रीमद्रामाय गुणसिन्धवे ।
तीर्थराजेऽवतीर्णाय यतीन्द्राय नमो नमः ॥७॥

नमो भगवते श्रीमद्वेदतत्त्वार्थभाषिणे ।
निगमागमरक्षित्रे यतीन्द्राय नमो नमः ॥८॥

॥ इति श्री अनन्तानन्दाचार्यकृतं यतीन्द्राष्टकं सम्पूर्णम् ॥

namō bhagavatē śrīmatsuśīlānandadāyinē ।
rāghavānandaśiṣyāya yatīndrāya namō namaḥ ॥1॥

namō bhagavatē śrīmatsūnavē puṇyasadmanaḥ ।
ācāryasārvabhaumāya yatīndrāya namō namaḥ ॥2॥

namō bhagavatē śrīmadrāmānandāya dhīmatē ।
ānandabhāṣyakārāya yatīndrāya namō namaḥ ॥3॥

namō bhagavatē śrīmadvaiṣṇavadharmarakṣiṇē ।
vijētrē'nantasiddhānāṃ yatīndrāya namō namaḥ ॥4॥

namō bhagavatē śrīmadrāmabhaktipracāriṇē ।
sampradāyābdhicandrāya yatīndrāya namō namaḥ ॥5॥

namō bhagavatē śrīmadviśiṣṭādvaitavādinē ।
vādivāraṇasiṃhāya yatīndrāya namō namaḥ ॥6॥

namō bhagavatē śrīmadrāmāya guṇasindhavē ।
tīrtharājē'vatīrṇāya yatīndrāya namō namaḥ ॥7॥

namō bhagavatē śrīmadvēdatattvārthabhāṣiṇē ।
nigamāgamarakṣitrē yatīndrāya namō namaḥ ॥8॥

॥ iti śrī anantānandācāryakṛtaṃ yatīndrāṣṭakaṃ sampūrṇam ॥