बन्दि परात्पर ब्रह्म श्रीसीतापति रघुराज ।
वन्दौं रामानन्दगुरु भाष्यकार यतिराज ॥१॥

प्रातकाल उठि सुमिरिये सीताराम कृपाल ।
जासु नाम कीर्त्तन करे जनहिं न व्यापै काल ॥२॥

श्रीभगवन्मन्दिर तथा देखत सन्त-समाज ।
वन्दन करिये प्रेम से जगद्वन्द्य यह काज ॥३॥

सद्गुरु औ भगवान् कहं नमन करत यदि कोय ।
निसरत जो तेहि बीच से सो अपराधी होय ॥४॥

आवत देखै सन्तजन तो नमि लावै धाय ।
जात समय पुनि नमन करि पहुँचावन कहँ जाय ॥५॥

इन्द्रियगण कहँ जीत करि नित्य करहु सत्संग ।
करहु रामपदपद्मरति छाॅंड़हु दुर्जुन संग ॥६॥

करि रघुवर गुणगान कहँ तजिये निजगुणगान ।
मानि विषयगण विष सदृश करहु सन्त-सन्मान ॥७॥

श्री भगवत् भागवत के जो जन गावैं नाम ।
सुखी होउ तिनको निरखि सेवहु आठो याम ॥८॥

भक्त जनहिं नमि भक्ति से जन चारहु फल साध ।
किये नमन हूँ ना नमे होत महा अपराध ॥९॥

करहु न हरि हरिभक्तकी निन्दा करि अपचार ।
निन्दे हरि हरिभक्त के यमपुर पावत मार ॥१०॥

करे सन्त भगवान् के चरणामृत का पान ।
मनुज बड़ाई मान तजि पावै पद निर्बाण ॥११॥

ब्रह्मरामरत ज्ञानयुत करि वैष्णव गुरु सन्त ।
सर्वोत्तम सायुज्य सुख भौगै जीव अनन्त ॥१२॥

त्रय रहस्य औ तत्त्वत्रय के ज्ञाता जो सन्त ।
गुरु बनाय तिनको करै कर्मभोगका अन्त ॥१३॥

ज्ञान भक्ति तप निष्ठ जो सेवैं राम खरारि ।
बरबस तिनको सेइ निज सर्वस लेहु सुधारि ॥१४॥

भक्त तथा भगवान् में राखै बुद्धि समान ।
मोर भक्त मोसे बडे मानत श्री भगवान् ॥१५॥

भक्ति विरोधी बुद्धि जो होवै कबहुँ अजान ।
तो रघुवर पद जलज जल करहु प्रेम से पान ॥१६॥

बनहु ज्ञान वैराग्य रत तथा भक्तिसम्पन्न ।
परत न पुनि भवसिन्धु महँ सीताराम - प्रपन्न ॥१७॥

वसन विभूषण औ सुखद खान पान सन्मान ।
लेत न रामार्पण विना श्रीवैष्णव मतिमान् ॥१८॥

राजस तामस देव तजि पूजै सात्विक राम ।
दुखकर पुनरागमनसे तो पावै विश्राम ॥१९॥

तजि जूठन औ भोग-मति ले गुरु राम-प्रसाद ।
पावै ना तो कबहुॅं नर गर्भवास अवसाद ॥२०॥

लोलुप विषयन के बनहिं धरि शुचि वैष्णव भेष ।
रक्षैं तिनके संग से श्रीरघुवर सर्वेश ॥२१॥

हरि गुरुजन निन्दननिरत जनका तजिये संग ।
लेत देत सन्मान तेहि लागत तेहिका रंग ॥२२॥

पत्थर प्रभु मूरति गनै मानव गुरु निष्पाप ।
तो लागै तेहि पाप अति सो भोगै त्रय ताप ॥२३॥

अच्युत अच्युत-भक्त की कबहुँ न पूछहु जात ।
पूजनीय पावन परम वैष्णव-पदजलजात ॥२४॥

राम राम-जन चरण जल सम न कतहुँ जल आन ।
मुक्तिलोक प्रापक बनत सेवित दिव्य विमान ॥२५॥

कतहुँ न सीतापति सदृश देव न कोऊ आन ।
सकृत् शरण से मुक्ति दें जहँ प्रभु भोग समान ॥२६॥

हरि हरि-आश्रित सन्त की सेवा कहँ जो त्याग ।
ताहि जरावै नित्य प्रति पाँच विषयकी आग ॥२७॥

हरि मन्दिर गण महँ लखहु इष्ट देव सियराम ।
इष्ट ध्यान करि करिय परि दण्डसमान प्रणाम ॥२८॥

सन्त तथा भगवान् के गनिये नाम समान ।
दोउ के कीर्त्तन के सदृश सुखद न पावन आन ॥२९॥

धर्महानि सम हानि नहिं धर्मवृद्धि सम वृद्धि ।
असत् शास्त्र सम ठग नहीं जो नाशै जन बुद्धि ॥३०॥

धर्म अहिंसा सम नहीं हिंसा सम नहिं पाप ।
साधन भक्ति समान नहिं जो नाशै त्रय ताप ॥३१॥

मत न विशिष्टाद्वैत सम गति नहिं राम समान ।
कीर्त्तनीय नहिं मोक्षकर रामनाम सम आन ॥३२॥

कण्ठी मुद्रा मन्त्र औ ऊर्ध्वपुण्ड्र शुभ नाम ।
निज गुरु से लै भक्तजन भजैं सर्वपति राम ॥३३॥

रामानन्दयतीन्द्रकी ये शिक्षा बत्तीस ।
सुखानन्दकृति हिय धरे सुखी करेँ जगदीश ॥३४॥

॥ इति श्रीसुखानन्दाचार्यकृतं शिक्षाबत्तीसी सम्पूर्णम् ॥

bandi parātpara brahma śrīsītāpati raghurāja ।
vandauṃ rāmānandaguru bhāṣyakāra yatirāja ॥1॥

prātakāla uṭhi sumiriyē sītārāma kṛpāla ।
jāsu nāma kīrttana karē janahiṃ na vyāpai kāla ॥2॥

śrībhagavanmandira tathā dēkhata santa-samāja ।
vandana kariyē prēma sē jagadvandya yaha kāja ॥3॥

sadguru au bhagavān kahaṃ namana karata yadi kōya ।
nisarata jō tēhi bīca sē sō aparādhī hōya ॥4॥

āvata dēkhai santajana tō nami lāvai dhāya ।
jāta samaya puni namana kari pahu~cāvana kaha~ jāya ॥5॥

indriyagaṇa kaha~ jīta kari nitya karahu satsaṃga ।
karahu rāmapadapadmarati chāॅṃḍa़hu durjuna saṃga ॥6॥

kari raghuvara guṇagāna kaha~ tajiyē nijaguṇagāna ।
māni viṣayagaṇa viṣa sadṛśa karahu santa-sanmāna ॥7॥

śrī bhagavat bhāgavata kē jō jana gāvaiṃ nāma ।
sukhī hōu tinakō nirakhi sēvahu āṭhō yāma ॥8॥

bhakta janahiṃ nami bhakti sē jana cārahu phala sādha ।
kiyē namana hū~ nā namē hōta mahā aparādha ॥9॥

karahu na hari haribhaktakī nindā kari apacāra ।
nindē hari haribhakta kē yamapura pāvata māra ॥10॥

karē santa bhagavān kē caraṇāmṛta kā pāna ।
manuja baḍa़āī māna taji pāvai pada nirbāṇa ॥11॥

brahmarāmarata jñānayuta kari vaiṣṇava guru santa ।
sarvōttama sāyujya sukha bhaugai jīva ananta ॥12॥

traya rahasya au tattvatraya kē jñātā jō santa ।
guru banāya tinakō karai karmabhōgakā anta ॥13॥

jñāna bhakti tapa niṣṭha jō sēvaiṃ rāma kharāri ।
barabasa tinakō sēi nija sarvasa lēhu sudhāri ॥14॥

bhakta tathā bhagavān mēṃ rākhai buddhi samāna ।
mōra bhakta mōsē baḍē mānata śrī bhagavān ॥15॥

bhakti virōdhī buddhi jō hōvai kabahu~ ajāna ।
tō raghuvara pada jalaja jala karahu prēma sē pāna ॥16॥

banahu jñāna vairāgya rata tathā bhaktisampanna ।
parata na puni bhavasindhu maha~ sītārāma - prapanna ॥17॥

vasana vibhūṣaṇa au sukhada khāna pāna sanmāna ।
lēta na rāmārpaṇa vinā śrīvaiṣṇava matimān ॥18॥

rājasa tāmasa dēva taji pūjai sātvika rāma ।
dukhakara punarāgamanasē tō pāvai viśrāma ॥19॥

taji jūṭhana au bhōga-mati lē guru rāma-prasāda ।
pāvai nā tō kabahuॅṃ nara garbhavāsa avasāda ॥20॥

lōlupa viṣayana kē banahiṃ dhari śuci vaiṣṇava bhēṣa ।
rakṣaiṃ tinakē saṃga sē śrīraghuvara sarvēśa ॥21॥

hari gurujana nindananirata janakā tajiyē saṃga ।
lēta dēta sanmāna tēhi lāgata tēhikā raṃga ॥22॥

patthara prabhu mūrati ganai mānava guru niṣpāpa ।
tō lāgai tēhi pāpa ati sō bhōgai traya tāpa ॥23॥

acyuta acyuta-bhakta kī kabahu~ na pūchahu jāta ।
pūjanīya pāvana parama vaiṣṇava-padajalajāta ॥24॥

rāma rāma-jana caraṇa jala sama na katahu~ jala āna ।
muktilōka prāpaka banata sēvita divya vimāna ॥25॥

katahu~ na sītāpati sadṛśa dēva na kōū āna ।
sakṛt śaraṇa sē mukti dēṃ jaha~ prabhu bhōga samāna ॥26॥

hari hari-āśrita santa kī sēvā kaha~ jō tyāga ।
tāhi jarāvai nitya prati pā~ca viṣayakī āga ॥27॥

hari mandira gaṇa maha~ lakhahu iṣṭa dēva siyarāma ।
iṣṭa dhyāna kari kariya pari daṇḍasamāna praṇāma ॥28॥

santa tathā bhagavān kē ganiyē nāma samāna ।
dōu kē kīrttana kē sadṛśa sukhada na pāvana āna ॥29॥

dharmahāni sama hāni nahiṃ dharmavṛddhi sama vṛddhi ।
asat śāstra sama ṭhaga nahīṃ jō nāśai jana buddhi ॥30॥

dharma ahiṃsā sama nahīṃ hiṃsā sama nahiṃ pāpa ।
sādhana bhakti samāna nahiṃ jō nāśai traya tāpa ॥31॥

mata na viśiṣṭādvaita sama gati nahiṃ rāma samāna ।
kīrttanīya nahiṃ mōkṣakara rāmanāma sama āna ॥32॥

kaṇṭhī mudrā mantra au ūrdhvapuṇḍra śubha nāma ।
nija guru sē lai bhaktajana bhajaiṃ sarvapati rāma ॥33॥

rāmānandayatīndrakī yē śikṣā battīsa ।
sukhānandakṛti hiya dharē sukhī karē~ jagadīśa ॥34॥

॥ iti śrīsukhānandācāryakṛtaṃ śikṣābattīsī sampūrṇam ॥