नत्त्वा भाष्यकृतं रामानन्दं रामं गुरुं तथा ।
भक्तानन्दप्रदं कुर्वे साधनभक्तिदर्पणम् ॥१॥

रामस्य तैलधारावद् विच्छेदरहिता स्मृतिः।
पुरुषार्थात्मिका भक्तिस्तत्साधिका मता नव ॥२॥

नाम्नो धाम्नश्चरित्रस्य रूपस्य यशसोऽपि च । श्रवणे रघुनाथस्य प्रोक्ता श्रवणभक्तिता ॥३॥

श्रद्धया रसधाम्नो हि नाम्नो रूपादिकस्य च ।
कीर्त्तने रामचन्द्रस्य कीर्त्तनभक्तितोदिता॥

४॥

सर्वेशस्य जगद्धेतोर्निदोषस्य गुणाम्बुधेः ।
स्मरणे मैथिलीशस्य स्मरणभक्तिता स्मृता ॥५॥

पापिपावनरामस्य श्रद्धया पादपद्ययोः ।
सेवने च मता प्राज्ञैः पादसेवनभक्तिता ॥६॥

अमोघार्चनरामस्य मुक्तिदं पापनाशनम् ।
अर्चनं श्रद्धया विज्ञैरर्चनत्वेन सम्मतम् ॥७॥

सर्वदुः खहरे पुंसां सर्वसौख्यकरे तथा ।
वन्दने राघवेन्द्रस्य वन्दनभक्तिता मता ॥८॥

परितः सेवनं श्रीमद्रामस्य सर्वशेषिणः ।
दास्यभक्तितया प्रोक्तं भक्तितत्त्वविशारदैः॥

९॥

तनुवित्तसुतादिम्य: सर्वेम्यश्चाधिकश्च यः।
स्नेहः श्रीराघवस्यात्र सख्यभक्तितयोदितः ॥१०॥

वैराग्यपूर्वकं श्रीमद्रामायात्मसमर्पणम् ।
बुधैर्नाम्ना हि तत्प्रोक्तं भक्तिरात्मनिवेदनम् ॥११॥

द्वारपीठेश्वरश्रीमत्कीलाचार्येण निर्मितम् ।
भक्तमोदावहं भूयात् साधनभक्तिदर्पणम् ॥१२॥

॥ इति श्रीकीलदेवाचार्यविरचितं साधनभक्तिदर्पणम् सम्पूर्णम् ॥

nattvā bhāṣyakṛtaṁ rāmānandaṁ rāmaṁ guruṁ tathā ।
bhaktānandapradaṁ kurvē sādhanabhaktidarpaṇam ॥1॥

rāmasya tailadhārāvad vicchēdarahitā smṛtiḥ।
puruṣārthātmikā bhaktistatsādhikā matā nava ॥2॥

nāmnō dhāmnaścaritrasya rūpasya yaśasō'pi ca । śravaṇē raghunāthasya prōktā śravaṇabhaktitā ॥3॥

śraddhayā rasadhāmnō hi nāmnō rūpādikasya ca ।
kīrttanē rāmacandrasya kīrttanabhaktitōditā॥

4॥

sarvēśasya jagaddhētōrnidōṣasya guṇāmbudhēḥ ।
smaraṇē maithilīśasya smaraṇabhaktitā smṛtā ॥5॥

pāpipāvanarāmasya śraddhayā pādapadyayōḥ ।
sēvanē ca matā prājñaiḥ pādasēvanabhaktitā ॥6॥

amōghārcanarāmasya muktidaṁ pāpanāśanam ।
arcanaṁ śraddhayā vijñairarcanatvēna sammatam ॥7॥

sarvaduḥ khaharē puṁsāṁ sarvasaukhyakarē tathā ।
vandanē rāghavēndrasya vandanabhaktitā matā ॥8॥

paritaḥ sēvanaṁ śrīmadrāmasya sarvaśēṣiṇaḥ ।
dāsyabhaktitayā prōktaṁ bhaktitattvaviśāradaiḥ॥

9॥

tanuvittasutādimya: sarvēmyaścādhikaśca yaḥ।
snēhaḥ śrīrāghavasyātra sakhyabhaktitayōditaḥ ॥10॥

vairāgyapūrvakaṁ śrīmadrāmāyātmasamarpaṇam ।
budhairnāmnā hi tatprōktaṁ bhaktirātmanivēdanam ॥11॥

dvārapīṭhēśvaraśrīmatkīlācāryēṇa nirmitam ।
bhaktamōdāvahaṁ bhūyāt sādhanabhaktidarpaṇam ॥12॥

॥ iti śrīkīladēvācāryaviracitaṁ sādhanabhaktidarpaṇam sampūrṇam ॥