सद्गुरु शब्द सोहामणो, 'पीपा' कर तू जाप ।
श्रीगुरु कृपा कटाक्षसों, मिलें रामजी आप ॥१॥

'पीपा' सद्गुरु जो करें, दया दीन जन जाण ।
निश्चय नर पावैं सदा, दोउ लोक कल्याण ॥२॥

'पीपा' जग जंजालसूँ, राखहु राम बचाइ ।
मारण चाहति मोय अब, माया रांड नचाइ ॥३॥

अठै उठै दोउ लोक में, धारी राम दोआइ।
पालैं पोसैं भगत कूं, 'पीपो' कहै बजाइ ॥४॥

'पीपा' पायो प्रेमधन, परमब्रह्म को रूप ।
रामानन्द उधारिया, ते न परे भवकूप ॥५॥

'पीपा' पदरज परसतां, वेण सुणन्तां कान ।
सन्त समागम अघ हरत, गावत वेद पुराण ॥६॥

'पीपा' पारस परसतां, लोहा कंचन होय ।
सिध के कांठे बेसतां, साधक भी सिध होय ॥७॥

'पीपा' परमेशर तणां, मतां न जाणे कोय ।
आरंभ्यां यों ही रहे, और ओचिन्ता होय ॥८॥

'पीपा' पाय पदारथ अन्ध न दीखे कोइ ।
अमृत नाम श्री रामको मैं पीऊंगो सोइ ॥९॥

'राम रङ्ग लाग्यो जणां, भाग्यो भव भय घोर ।
'पीपा' परतापी घणो, रघुवर मारग तोर ॥१०॥

भेष भलो भगवान् को, वैष्णव धारे अङ्ग ।
'पीपा' पाप जराय दे, जम डर देखत दङ्ग ॥११॥

'पीपा' पापी जन करे, भले भगत की हांसि ।
अन्त समय दुख भोगसी, पडसी जम गल फांसि ॥१२॥

'पीपा' पापी जग तणा, जासी जमपुर ठेठ ।
चेतनहारा चेतजो सुनजो गहिरे पैठ ॥१३॥

'पीपा' पीपो पाप को, पानी भरले खूब ।
अन्त समय फिर फोडिहैं, जमगण धूबाधूब ॥१४॥

'पीपा' पाप न कीजिये, अलगो रहेजे आप।
करणी जासी आपणी कुंण बेटी कुंण बाप ॥१५॥

'पीपा' पापी कूकड़ो, कूक कूक कर कूक ।
नरतन में हरि वीसरयो जद की हालै हूक ॥१६॥

जीव मार भोजन करे, खातां करे वखांण ।
'पीपा' परतख देखले, थाली मांय मसांण ॥१७॥

'पीपा' परचा पवन कर, किता मिलोगा आय ।
सब ही परचा भाजसी, पवन देहसे जाय ॥१८॥

दास कहानो कठिन है, मन ही मानै मान ।
सद्गुरु सो परचो नहीं, कलयुग लाग्यो कान ॥१९॥

'पीपा' पाणी रहनि विण, रहै न ऊँचो ठांय ।
राम भगति निज दास बिन, जतन करन्ता जाय ॥२०॥

'पीपा' माया नारिको चितसू धरी उतार ।
ते नर श्रीशुकदेव ज्यों, अमर भये संसार ॥२१॥

'पीपा' पर नारी छुरी, विरला बंचै कोय।
ना, ऊं पेट संचारिये, जो सोना की होय ॥२२॥

'पीपा' धोखा निजरका जती सती कूं होय ।
मन अस नैन विगूंचणा विरला राखै कोय ॥२३॥

'पीपा' पाप कियो नहीं (सो) पुण्य कियो सो वार ।
जो काहू सों ना लियो, (तो) दीयो दान हजार ॥२४॥

पाणी में पथरो पडयो, बीते वरस हजार ।
'पीपा' टांकी मारतां, झट निकसी चिणगार ॥२५॥

॥ इति श्रीपीपाचार्यकृतं प्रबोध-पचीसी सम्पूर्णम् ॥

sadguru śabda sōhāmaṇō, 'pīpā' kara tū jāpa ।
śrīguru kṛpā kaṭākṣasōṃ, milēṃ rāmajī āpa ॥1॥

'pīpā' sadguru jō karēṃ, dayā dīna jana jāṇa ।
niścaya nara pāvaiṃ sadā, dōu lōka kalyāṇa ॥2॥

'pīpā' jaga jaṃjālasū~, rākhahu rāma bacāi ।
māraṇa cāhati mōya aba, māyā rāṃḍa nacāi ॥3॥

aṭhai uṭhai dōu lōka mēṃ, dhārī rāma dōāi।
pālaiṃ pōsaiṃ bhagata kūṃ, 'pīpō' kahai bajāi ॥4॥

'pīpā' pāyō prēmadhana, paramabrahma kō rūpa ।
rāmānanda udhāriyā, tē na parē bhavakūpa ॥5॥

'pīpā' padaraja parasatāṃ, vēṇa suṇantāṃ kāna ।
santa samāgama agha harata, gāvata vēda purāṇa ॥6॥

'pīpā' pārasa parasatāṃ, lōhā kaṃcana hōya ।
sidha kē kāṃṭhē bēsatāṃ, sādhaka bhī sidha hōya ॥7॥

'pīpā' paramēśara taṇāṃ, matāṃ na jāṇē kōya ।
āraṃbhyāṃ yōṃ hī rahē, aura ōcintā hōya ॥8॥

'pīpā' pāya padāratha andha na dīkhē kōi ।
amṛta nāma śrī rāmakō maiṃ pīūṃgō sōi ॥9॥

'rāma raṅga lāgyō jaṇāṃ, bhāgyō bhava bhaya ghōra ।
'pīpā' paratāpī ghaṇō, raghuvara māraga tōra ॥10॥

bhēṣa bhalō bhagavān kō, vaiṣṇava dhārē aṅga ।
'pīpā' pāpa jarāya dē, jama ḍara dēkhata daṅga ॥11॥

'pīpā' pāpī jana karē, bhalē bhagata kī hāṃsi ।
anta samaya dukha bhōgasī, paḍasī jama gala phāṃsi ॥12॥

'pīpā' pāpī jaga taṇā, jāsī jamapura ṭhēṭha ।
cētanahārā cētajō sunajō gahirē paiṭha ॥13॥

'pīpā' pīpō pāpa kō, pānī bharalē khūba ।
anta samaya phira phōḍihaiṃ, jamagaṇa dhūbādhūba ॥14॥

'pīpā' pāpa na kījiyē, alagō rahējē āpa।
karaṇī jāsī āpaṇī kuṃṇa bēṭī kuṃṇa bāpa ॥15॥

'pīpā' pāpī kūkaḍa़ō, kūka kūka kara kūka ।
naratana mēṃ hari vīsarayō jada kī hālai hūka ॥16॥

jīva māra bhōjana karē, khātāṃ karē vakhāṃṇa ।
'pīpā' paratakha dēkhalē, thālī māṃya masāṃṇa ॥17॥

'pīpā' paracā pavana kara, kitā milōgā āya ।
saba hī paracā bhājasī, pavana dēhasē jāya ॥18॥

dāsa kahānō kaṭhina hai, mana hī mānai māna ।
sadguru sō paracō nahīṃ, kalayuga lāgyō kāna ॥19॥

'pīpā' pāṇī rahani viṇa, rahai na ū~cō ṭhāṃya ।
rāma bhagati nija dāsa bina, jatana karantā jāya ॥20॥

'pīpā' māyā nārikō citasū dharī utāra ।
tē nara śrīśukadēva jyōṃ, amara bhayē saṃsāra ॥21॥

'pīpā' para nārī churī, viralā baṃcai kōya।
nā, ūṃ pēṭa saṃcāriyē, jō sōnā kī hōya ॥22॥

'pīpā' dhōkhā nijarakā jatī satī kūṃ hōya ।
mana asa naina vigūṃcaṇā viralā rākhai kōya ॥23॥

'pīpā' pāpa kiyō nahīṃ (sō) puṇya kiyō sō vāra ।
jō kāhū sōṃ nā liyō, (tō) dīyō dāna hajāra ॥24॥

pāṇī mēṃ patharō paḍayō, bītē varasa hajāra ।
'pīpā' ṭāṃkī māratāṃ, jhaṭa nikasī ciṇagāra ॥25॥

॥ iti śrīpīpācāryakṛtaṃ prabōdha-pacīsī sampūrṇam ॥